|
01.
گڏيل راءِ سان اهو فيصلو ٿيو ته هن صديءَ جي مهان شاعر شيخ اياز، سنڌي ادبي
سنگت شاخ سٽي سکر سان تعلق رکندو هو، تنهنڪري سندس جو هن شاخ تي تمام گھڻو
حق ٿئي ٿو. شاخ کي سندس ورسيءَ تي شايان شان پروگرام ڪرڻ گھرجي، ان پروگرام
جي مالي سهائتا لاءِ دوست ڪوششون ڪن. محترم مونس اياز جيڪو هينئر ڊائريڪٽر
جنرل ڪلچر آهي، کي مالي سهائتا لاءِ سيڪريٽري خط لکي ۽ کيس هن پروگرام جي
خاص مهمان طور دعوت ڏئي.
02.
متفقه راءِ سان اهو فيصلو ٿيو ته ادبي سنگت جي ويب سائيٽ جي مهورت،
شيخ اياز جي پروگرام ۾ ڪئي وڃي جيئن گھڻي کان گھڻا ماڻهو ان ڳالهه کان
آگاهه ٿي سگھن ۽ فائدو حاصل ڪري سگھن.
03.
غير حاضر ميمبرن لاءِ اهو فيصلو ڪيو ويو ته ته کين هڪ جنرل خط لکجي جنهن ۾
کين ڄاڻائجي ته سنگت جون گڏجاڻيون باقائدا هلي رهيو آهن، جنهن ۾ هو گهٽ ۾
گھٽ 50 سيڪڙو حاضريءَ کي يقيني بڻائن. ٻي صورت ۾ کين تنبيهي نوٽيس ڏنو
ويندو. اهو ليٽر کانئن ر سيو ڪرائي ريڪارڊ ۾ رکيو وڃي.
04.
اڳ ٿيل خاص گڏجاڻين وانگر هن دفعي به خاص گڏجاڻيون رکيون وڃن، ان سلسلي ۾
سڀ کان پهريائين سائين تنوير عباسيءَ جي ورسيءَ جي موقعي تي پروگرام ٿيڻ
گھرجي، جنهن کان بعد عيد گڏجاڻي ٿئي ۽ آخري پروگرام اياز قادريءَ متعلق
ٿئي.
05.
اتفاق راءِ سان اهو فيصلو ڪيو ويو ته محترم مريد سنڌيءَ کي سنگت جي ميمبرشپ
ڏني وڃي. |
